மது செய்யும் மாயம்

-
 தமிழ்நாடு திருவள்ளுவர் காலை இலக்கிய மன்றம் நடத்திய கவியரங்கில் இடபெற்ற மது  செய்யும் மாயம் என்ற தலைப்பிலான கவிதை..


                  மது செய்யும் மாயம்
தமிழ் வணக்கம் :

தமிழே..!!
நீ இல்லாமல் எப்படி நான்
                 தனித்திருப்பேன்
நீ இல்லாது போனால் நான்
                  தவித்திருப்பேன்
தேடியெனும் உனைக்கற்று
                  களித்திருப்பேன்-அந்த
தேவாமிர் தம்போலே
                  இனித்திருப்பேன் ...

உச்சப்புகழ்  பெற்றுலகம்
        மெச்சத்தகு அருந்தமிழே -நான்
கச்சத்தீவு அருகிருந்து
       கன்னித்தமிழ் பருகி-மேலோர்
கற்பனையில் கசிந்து வந்த
       மிச்சத் தமிழ் பருகி
மீட்டுகிறேன் கவியொன்று
       கேட்டிடுவீர் செவிகொண்டு.

மது செய்யும் மாயம்:

மாதை தொடும்போது
      மனதிலோர் மாயம்.
வாதை வரும்போது
     உடலிலா மாயம்
போதை புகும்போது
      என்னென்ன மாயம்
உன்னாலே பலருக்கும்
      மனதளவில்  காயம் இது
மது செய்யும் மாயம் .


மதியிழந்து மதுவருந்தி
     கதியிழந்து  கதறுகையில் 
விதிமீது குறைசொல்லி
       வேறென்ன லாபம்.
விடையேது மில்லை இது
        மது செய்யும் மாயம்

பதின்பருவ கோளாறு
   பாதை மாற்றி போகும்
பாடாவதி நட்பு கூட
   பாழாக்க கூடும்
கூடாத பழக்கமென்று
   உள்மனது சாடும்
அனாலும் அதற்கும் ஓர்
   சமாதானம் தேடும்


ஊர்க்கேட்க மேடை போட்டு
   மது ஒழிப்பு பேசும்
உடனமர்ந்து பேசப்போனால்
    மதுவாசம் வீசும்.
நல்ல தலைவர் எனநினைத்த
   நம் நம்மனமோ கூசும்
இவராலே  நாளை நம்
    நாடெல்லாம் நாசம்.

அரசாங்கம் தயாரிக்க
   அடியாட்கள் கடை நடத்த
தடிமாட்டு மக்களெல்லாம்
   அடிமாடு போலடங்கி 
குடிமாடு ஆகின்ற
   கொடுமையை என்ன சொல்ல.



 ஆசையோடு காத்திருக்கும்
   அன்பா மனைவி மக்கள்
தோசையோடு காத்திருக்கும்
   தூய்மையான தாய் உள்ளம்-நீ
தள்ளாடி ன் நடக்கையிலே
   கண்ணாடி போல் நொறுங்கி 
பின்னாடி வாழ்க்கையெல்லாம் 
   என்னாகும் தெரியாதா??

அன்பான காதலரை
    காலமது பிரித்து வைக்க
அரிவாள்  வீச்சும்
   ஆசிட் வீச்சும் 
தருவார் என்பது
    எவ்வித நியாயம்
மொத்தத்தில் இதெல்லாம்
    மதுசெய்யும் மாயம்


இருசுருக்குக்காரி  நல்ல
தலைபிரசவ காரி அவ
வீடு வந்து சேராத
வீட்டுக்கார குடிமகனை
காடு கரை தேடி திரிஞ்சு
கால் வழுக்கி கீழ் விழுந்து
தாயும் பிள்ளையும்  இறைவனடி
போய்சேர்ந்த பின்னாடி
வாய்வயிற்றில் அடித்தலறி
அழுதென்ன  ஆகும் -நீ
அறியாமல் போனாய் 
இது மது செய்யும் மாயம் ...

சற்றும் கவனமிலா
சகசண்டி அரசே

சாராயம் ஒழிக்கப் புது
பேரையும் அமையுங்கள்
பேராய முடிவாலே
சாராயம் ஒழியுங்கள்....
  


என்றும் அன்புடன்
           உங்கள்

பாம்பன்மு பிரசாந்த்

கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

வையத் தலைமை கொள்

-
என்னதான் நினைத்தான் எட்டய புரத்தான்.#௦௩ (#03) மீண்டும் அனைவருக்கும் வணக்கம்.                    எதிர்பாராத அளவிற்கு ஆதரவு நல்கும் உங்கள் அனைவருக்கும் கடமைப்பட்டவனாக இருக்கிறேன்.அனைவருக்கும் என் நெஞ்சார்ந்த நன்றிகள். என்னதான்  நினைத்தான் எட்டய    புரத்தான் தொடரில் 3வது கட்டுரையாக வையத் தலைமை கொள் என்கிற வீரியமிக்க சொல்லில்  பாரதி விதைக்க நினைத்தது குறித்து.      யாரைத் தலைவனாக்க      யாருக்கும்  தெரியாது தலைவரென்றால்   யாரென்று      தலைவருக்கும்  தெரியாது எப்படியும்  இயக்கமுண்டு      எப்படியோ  தெரியாது இருந்தாலும்  வாழ்கின்றோம்       ஏனென்று  தெரிyathu                                                                            -நெய்தலான்   புதுக்கவிஞர்  நெ ய் தலானின்  வரிகள் பாரதியின் அதே உள்ளக்  குமுறலை அள்ளித் தெளிக்கிறன. நெஞ்சு  பொறுக்குதில்லையே -இந்த நிலைகெட்ட  மாந்தரை நினைத்து விட்டால்   . நினைத்தால்  நெஞ்சு  கொதிக்கிற வரிகள்.        எவனுக்கோதானே பிரச்சினை  என் மயிர்முதல் உயிர்வரை பத்திரமாய்த்தான் இருக்கிறது என்பதை உறுதி செய்து
மேலும் படிக்கவும்

புதியன விரும்பு

-
படம்
                        புதியன  விரும்பு           “பழையன  கழிதலும் புதியன புகுதலும் ”  என்பது நன்னூல் விதி  . இந்த  விதியின் பொருளாக  அனைவரும் எண்ணுவது பழையவைகள் அழிக்கப்பட்டு  புதியவைகள்  வரவேண்டும் என் பதா ம். ஆதிகாலந் தொட்டே தமிழர் மரபு என்தாவ்ன்றையும் அழித்து புதுமை படைக்க சொன்னதே கிடையாது..  என்னடா   இது ?  ஏதோ   பழைய  புராணம் பாடத் தொட ங் குகி றானே  என்று என்ன வேண்டாம். உண்மையில்  பழமையும்  புராணமும் அவ்வளவு சலிப்பு தருபவை  ஒன்றும் அல்ல.         வெகு நாட்களாகவே எனக்கு பாரதியின் ஆத்திசூடி வரிகளை தலைப்பாக்கி கட்டுரை எழுத வேண்டும் என்கிற  ஆசையொன்று உள்நெஞ்சை அரித்துக்கொண்டே இருந்தது. அந்த  வகையில்  ரௌத்திரம் பழகு என்ற தலைப்பில் வெளியிட்ட கட்டுரைக்கு நீங்கள் தந்த ஆதரவை எண்ணி பாரதிக்கு நன்றிகளை காணிக்கையாக்கி கொள்கிறேன்.  தொடர்ந்து இதேபோல்  உங்கள் பேராதரவையும் மேலான கருத்துகளையும் அளிக்க வேண்டுகிறேன்.       இன்றைய நம் தலைப்பு புதியன விரும்பு என்கிற பாரதியின் மற்றுமொரு ஆத்திசூடி வரி.  உண்மையில் இது எனக்கு நெருக்கமான மற்றும் எல்லாவற்றுக்கும் மேலான வரி..ஏன் இதை இப்படி ச
மேலும் படிக்கவும்

என்னை கவர்ந்த குறள்

-
படம்
இலக்கிய வளமை எவ்வளவாயினும், உலகளாவிய வெற்றிபெற அம்மொழி விஞ்ஞான மொழியாயும் இருத்தல் அவசியம். என்னைக் கவர்ந்த திருக்குறள் என்கிறபடிக்கு எனக்கு சட்டென்று நினைவுக்கு வந்த குறள் இதுதான்.  எல்லோர்க்கும் நல்ல அறிமுகமுள்ள ஓர் நல்ல அறிவுரை. ஆனால் அது அறிவுரை என்கிற கூட்டுக்குள் அடைக்கப்பட்ட ஓர் அறிவியல் கிளி. நன்றி மறப்பது நன்றன்று நன்றல்லது என்றோ மறப்பது நன்று. என்ன இது.. குறளையும் பொருளையும் குளறுபடி செய்கிறாயே என்கிறீர்களா?.கொதிக்க வேண்டாம். உண்மையில் இந்தக் குறள் இப்படி இருந்திருந்தாலும் நாம் போற்றித்தான் இருந்திருப்போம். இன்னும் ஒருபடி மேலேபோய், ஒரு சராசரி மனிதன் எப்படி தனக்கு நடந்த நன்றல்லதான ஒன்றை உடனே மறக்க முடியும்.அந்த உளவியலை நன்குணர்ந்தே வள்ளுவர் என்றோ ஒருநாள் அதை மறந்துவிடுவது நன்று என்றிருக்கிறார் என்று உரைகளும் வேறு சொல்லியிருப்போம். ஆனால்..... அன்றே மறப்பது நன் று என்றான். ஏன் தெரியுமா? மனித மூளை ஒவ்வொரு இரவும் உறங்குகிற போது அன்றைய நாளின் ஒட்டுமொத்த நிகழ்வுகளையும் பிரித்து முக்கியமானவை, முக்கியமற்றவை என்பதற்கேற்ப தற்காலிக மற்றும் நிரந்தர
மேலும் படிக்கவும்